提到卡列奧斯，相信大家都會想起17/18歐聯決賽嘅一戰。不過外出磨練一季嘅卡列奧斯看來仍未擺脫陰影，昨夜又於歐戰場上派膠，連累球隊輸波。
作為一名門將，回想卡列奧斯成名一戰並非因什麼驚世撲救而出現，反而是因為一人失誤令利物浦於歐聯決賽落敗。17/18年歐聯賽季，利物浦當年幾經辛苦殺入決賽，面對「銀河艦隊」皇家馬德里。紅軍本來形勢上並未有太大落後，但整季嘅努力就因該德國門將嘅兩次失誤而付緒流水，賽後卡列奧斯理所當然成眾矢之的，季尾亦被借走。
呢位擁有模特兒外型嘅德國門將直到目前似乎仍未擺脫陰影，於外借比錫達斯期間亦常有「蝦碌」鏡頭，昨日於歐霸賽事又因個人問題令球隊先失一球。
於對陣施洛雲嘅比賽14分鍾，對方於後場大腳開波，卡列奧斯於有充足防守球員下突然衝出禁區出迎。不但未能成功控球及阻礙隊友，更令隊友跌到，最後被對手輕易射入空門，令球隊先失一球，場面非常尷尬。最後比錫達斯亦以2：4落敗。
於利物浦簽入阿祖安前，曾經有利迷希望紅軍可再給予機會卡列奧斯，未知現時想法又有否再次改變呢？
