自列貝利及洛賓離隊後，德甲霸主拜仁一直急於尋找「2R」之代替品。早前拜仁主席漢尼斯就坦認有向曼城出價求購今季失意嗁翼鋒利萊辛尼，但目前看來收購一事難以成真。
漢尼斯早前曾公開向傳聞表示非常欣賞辛尼，並有意簽入該德國翼鋒。而上星期就相繼有報導指拜仁已向曼城出價，希望以8000萬歐元嘅高價收購呢位今季淪為後備嘅藍月亮翼鋒。
不過昨夜漢尼斯受訪時就表示「拜仁嘅出價已遭到拒絕。辛尼今夏加盟球隊嘅可能性極低，因為曼城嘅叫價實在太瘋狂。」直接對此轉會嘅發生關上大門。
利萊辛尼於2016年由史浩克轉投曼城，當時轉會費為3700萬歐元。據報曼城方面非常希望可以留住辛尼，目前已正式與尚餘兩年合約嘅辛尼商討續約，希望可以長用呢位23歲嘅邊路超新星。
