為慶祝1989上映嘅《Batman》電影 30 週年，LEGO 將會於本月29日特別推出一款大型蝙蝠車積木模型。
當年由 Tim Burton 所執導嘅《Batman》絕對為經典之作。是次 LEGO 為當年《Batman》嘅大型蝙蝠車將由3300塊Lego所組成，整車尺寸長達60cm。除此以外，是次推出嘅大型蝙蝠車全車都運用 Lego 積木造成而非一體化部件，更清晰還原可滑動環繞擋風玻璃、兩旁嘅鉤爪，引擎蓋下嘅隱藏機關槍等等細節位。
LEGO 1989《Batman》大型蝙蝠車(編號 76139)將於本月29日於LEGO分店及網上正式發售，零售價為$250 美元。除此以外，於12月5日前購買嘅粉絲將會特別獲增一部 40433 小型蝙蝠車作收藏之用。
