據 AS 報導，祖雲達斯有意向皇馬收購占士洛迪古斯，將於拿玻里、馬體會爭奪。
不過由於目前皇馬對占士嘅價錢企硬於5000萬歐，據報拿玻里開始退出呢場爭奪戰。
就資金而言，今夏大手買入嘅馬體會絕對有能力支付銀河艦隊為占士嘅定價，不過若有其他爭奪者出現，相信皇馬會傾向將占士轉售出國外聯賽。
祖雲達斯今夏銳意加強中場實力，已先後免費簽入藍斯、拉比奧特等多位實力球星。由於陣中皇牌C朗於皇馬時期與占士合作無間，而且關係非常好，故祖記亦有意簽入呢位哥倫比亞球星，為前線提供更多彈藥。
就目前市場而言，以5000萬歐元引入占士呢種級數球星可算係物超所值。本身馬體會極大機會可以超低價購入，但現在班馬兵團加入可能驅使皇馬重新考慮了。
