被皇馬租借至拜仁兩年嘅占士基本上已經鐵定不會被該德甲豪門買斷，本月就會結束租借重返皇馬。早前有報導指施丹亦對占士回歸沒興趣，將再次將佢賣出或外借，而PSG就正正係其中一個被傳有意收購嘅球隊。
占士其實於拜仁表現尚算不俗，只可惜與教練不和未能於德甲站穩陣腳。日前此哥倫比亞球星於Facebook上載圖片大騷肌肉，本來與一般球星無異只係分享其個人生活，但有網民就發現巴黎用官方社文平台回應一個鼓掌icon給予讚好，令人有無限想像空間。
一般而言，球會通常都只會於自己球隊嘅球員上給予留言或任何互動，PSG此舉難免令人懷疑呢位27中場已經與該法甲班霸達成某種協議。早前有外媒報導，皇馬或會以占士作籌碼以收購於巴黎漸失民心嘅尼馬，今次事件會唔會算係一種暗示呢?
(由於太過敏感 PSG已刪去有關留言)
