Marca 報導，剛於拜仁結束兩年外借並歸隊操練嘅皇馬中場占士洛迪古斯今夏不會離隊，來季將再披上「銀河艦隊」球衣。
於皇馬昨日嘅操練，多位參與美洲盃嘅球員都結束休假留隊，包括新加盟嘅艾達米列達奧、卡斯米路及盛傳離隊嘅占士洛迪古斯。
自執掌皇馬後，施丹一直都不太看好占士洛迪古斯，除早前將其外借到拜仁，於球員結束租借期時亦希望球會可將其出售。拿玻里、馬體會、祖雲達斯等都被指對呢位哥倫比亞球星有意，但由於出價未能達到皇馬理想嘅售價而一直未能成事。
不過因應近期情況，占士於皇馬嘅未來看似有變。隨住轉會期開始步向完結，皇馬目前收購普巴或其他中場都看似未能成事。而早前熱身賽以3-7大敗同市宿敵馬體會，再加上阿辛斯奧受重傷三大因素，都驅使皇馬改變睇法，希望留住占士以保持中場實力。
據外媒透露，皇家馬德里已正式向占士告知其將會留隊，而施丹亦已同意此做法。
