據 El Desmarque 報導，皇馬中場球星伊斯高本人已同意下季轉戰英超，不過對象並非一直所傳嘅車路士，而係應屆冠軍曼城。
早前有外媒披露車路士將伊斯高列為頭號收購目標，而皇馬亦希望賣走該西班牙中場以換取轉會收入。不過El Desmarque指伊斯高已向「銀河艦隊」表明自己無意轉戰史丹福橋，自己心儀嘅球會為曼城。
據悉曼城與哥迪奧拿亦對伊斯高感興趣，因現年33歲嘅大衛施華已確認季尾會離開藍月亮，哥帥認為現時27歲嘅伊斯高為理想嘅接班人。
今季伊斯高於施丹戰術下表現一般，於西甲及歐聯錄得13次上陣機會，暫時未有入球或助攻。不過施丹為保持陣容實力，似乎並不急於一月將伊斯高出售，該西班牙中場或於明夏正式離隊。
