著名 Figure 廠牌 Hot Toys 出名難買，每次有新產品都例必排長龍，近期更愈嚟愈多大媽黨加入，入手難度大增。想入手高質 Figure 又唔想受氣嘅朋友，不妨考慮一下其他外國牌子，例如今次介紹嘅巴西廠牌 Iron Studios。
Iron Studios 近日將為旗下 1/4 比例 Figure 系列「Legacy Replica」推出首個《Avengers 4:Endgame》新作品 Captain America，兼有普通版及豪華版之分，2020年第一季就會正式發貨。
是次推出嘅 1/4 美國隊長高約 59 公分，普通版並無任何附件附送，而豪華版則會包括脫去頭罩嘅可替換頭雕、破碎盾牌替換手臂、雷神之鎚、頭罩替換手臂及碎盾碎片等，售價分別為700美元及800美元。
有興趣嘅朋友可到 按此 了解詳情
