FCInterNews.it 透露，國際米蘭有意於夏季轉會窗收購曼聯前鋒盧卡古，甚至會用比列錫加錢作收購。
國米其實一直都對盧卡古有興趣，而隨住前車仔主帥干地極大機會於今個夏天入主就令傳言更為真確。由於伊卡迪早前與球會不和嘅事件出現，呢位阿根廷前鋒好大機會即將離隊，國米對鋒線補充絕對為刻不容緩。
報導指盧卡古經理人 Federico Pastorello 目前正積極促成呢單交易。而國際米蘭方面則提出用比列錫外加2000-3000萬歐元收購盧卡古，而曼聯對比利時前鋒嘅心理價位則為6000－7000萬歐元。
比列錫早於冬季轉會窗已經想轉戰英超加盟阿仙奴，雖然最後並未成事但早已有離心。對曼聯而言，盧卡古目前亦非球隊中嘅必要球員，早於摩佬時代已經被指有意簽入比列錫，問題只在於30歲嘅比列錫或會令紅魔翼鋒位置球員過盛。
