意甲國際米蘭對盧卡古嘅追隨仍未停止，球會總監向傳媒表示「於收購盧卡古一事上仍然努力中」。
曼聯於近期友賽已明顯為盧卡古嘅離開做好準備，不過目前仍未就其售價與國米或祖記達成共識，故其離開一直未能成案。
早前盧卡古亦於個人社交媒體放上一張與經理人嘅合照，並附以一向「旅程好快會繼續(Soon to be continued)」，令人更加確信該比利時前鋒即將離隊。
自確認干地上任後，國際米蘭對盧卡古嘅追蹤已成公開嘅秘密，而球會總監 Beppe Marotta 近日受訪時就表示目前仍為此事努力中:「我們曾向盧卡古作出報價(約5400萬鎊)，但曼聯為球員嘅定價比此更高。我們目前與對方並未於價錢上達成共識，但國米仍然就此努力中。」
「球會唔肯定未來數天會否成事，足球係一樣好奇怪嘅事。我們已向曼聯作出一個合理而又重要嘅報價，並已對球員嘅價值給予尊重。」 Beppe Marotta 補充。
除國際米蘭外，另一支意甲球會祖雲達斯並被指對盧卡古有興趣，並提出以戴巴拿作交換條件，不過目前仍需等待戴巴拿首肯。
延伸閱讀: 轉投曼聯? 戴巴拿更希望留隊
