據英國媒體報導，國際米蘭正希望加快租借入山齊士嘅進度，並希望於未來三日內完成交易。
目前國米與曼聯仍然就租借山齊士一事進行談判當中，暫時雙方最大嘅分歧仍然來自山齊士嘅年薪分配上。
不論紅魔、國米、山齊士本人都非常希望交易可以落實。現時曼聯已向國米提出一個最新嘅選擇，希望該意甲球會願意為山齊士支付稅後500萬鎊以上嘅高昂年薪，並同意於租借期完成後以1500萬鎊正式將該智利球星售予國際米蘭。
雖然三方仍然未正式就交易落實，但外國媒體普遍都相信此租借交易嘅成數非常高，而最後結果可能為山齊士主動降薪，兩間球會則共同支付該智利翼鋒嘅天價薪金。
