《Avengers: Endgame》上映已經兩星期，不過熱潮仍然未減退，依舊係大家茶餘飯後嘅話題。觀賞完嘅朋友相信無一不受到Iron Man最後時刻彈指救世一幕所感動，陪件大家十年嘅英雄以最壯烈嘅方式向大家告別亦令人難忘。為紀念呢個難忘時刻，Hot Toys 就特別為Iron Man 版本嘅 Nano Gauntlet 推出 1：1 比例珍藏品，極高紀念價值。
是次推出嘅 Nano Gauntlet 1：1 比例珍藏品，高約 52 公分。外型以劇中 Tony Shark 用奈米技術所製作嘅無限手套外觀作參考，掌背分別鑲嵌6顆具LED 發光燈效嘅仿寶石。手套上靈魂、 時間、心靈、空間、現實及力量六顆寶石，分別可選擇持續發光以及脈動式閃耀發光兩種發光模式，極具觀賞價值。此外，是次珍藏品更附有專屬 Avengers: Endgame 底座，Marvel迷必定要入手。
除Iron Man 版本嘅 Nano Gauntlet 1：1 比例珍藏品外，是次亦另有電影宣傳版本Nano Gauntlet 1:4比例珍藏品及Hulk版本Nano Gauntlet 1:4比例珍藏品同期推出。三款手套目前至5月13日可以於銅鑼灣希慎廣場特設嘅Hot Toys期間限定店公開接受預訂，5月15日起就可以上Hot Toys Secret Base 訂購，預計將於2020年第四季至2021年第一季發貨。
