由哈利波特延展而成嘅 RPG 人氣大作《霍格華茲的傳承 Hogwarts Legacy》掀起熱潮，上月底已達到1,200萬嘅銷售量，不過 PS4 及 Xbox One 玩家就要再等等啦，因為近日官方正式宣佈該兩個主機版本將會再次延期登場。
《霍格華茲的傳承》PS4 及 Xbox One 版本原訂與 PS5、Xbox Series X|S、PC 版一起於 2 月 10 日上架，但於推出前官方就宣佈PS4 及 Xbox One 版本需於4月4日方會登場，而近日為讓玩家得到最佳體驗，會再延期至5月5日，Switch版本更要7月25日方會上架，持有以上主機嘅玩家又要再等下啦。
