近年來足球世界通漲嚴重，現時收購一個稍為有名氣嘅球員動用一億已成平常事。
坊間每季都會為歐洲各列強嘅收購作出統計，以找出球會當中嘅「燒錢之最」。近日外國知名網站 transfermarkt 就一反傳統，根據各名帥執教生涯中嘅轉會支出作出統計，並找出教練當中嘅「燒錢王」。
根據網站統計，「串王」摩佬原來於執教生涯中曾簽入97位球員，合共花費為16億歐元，為眾領隊之首。於摩佬嘅收購排名中，頭四名都為於執教紅魔時簽入，當中包括最高身價嘅普巴、盧卡古、費特及馬迪，而第5位則為執教車路士時以4400萬歐元簽入舒夫真高，眼光是否準備由大家判斷。
至於第二位則為曾執教皇馬、PSG、拜仁等等勁旅嘅安察洛堤。呢位意大利名帥於執教生涯中曾簽入85名球員，共花費16億歐元。安察洛堤最重鎊嘅收購為2013年執教皇馬時由熱刺簽入巴爾，只花費9090萬歐元，而第二位則為其愛將占士洛迪古斯，當年安帥將其由摩納哥帶到皇馬，共支出約6750萬歐元。
現時執教嘅哥迪奧拿雖然於該排行榜只排第三，但其平均收購價卻為榜中最高。哥帥於執教生涯中與安察洛堤一樣總共花費約12億歐，但只用於收購52位球員之上。該西班牙主帥於執教巴塞、拜仁及現時嘅曼城時都有唔少重鎊收購，亦屢屢打破各世界記錄。於哥帥收購榜之中，當年由國米將伊巴帶到巴塞為估值最高之收購，約值6255萬歐元。第二至八位則全於執教富豪球隊曼城時產生，當中包括馬列斯、拿撲迪、文迪等等，唔少球員現時都對「藍月亮」起非常關鍵嘅作用。
隨以上三位外，唔少入榜者都為近代大家耳熟能詳嘅主帥，包括艾歷尼、賓尼迪斯、艾馬利等等，當中比較令人以外為一向被批評「姑寒」嘅雲格於榜中以9.46億歐元支出成為第六位。
