保方今季由巴黎回歸祖記，而近日出席意大利媒體採訪時就再大談PSG兩位舊隊友尼馬及麥巴比，更相信未來五年會是此兩人嘅世界。
保方於訪問中被問到於PSG嘅生活如何，該名傳奇門將表示：「於我為巴黎效力嘅賽季當中，我獲得與未來兩位金球獎得主共同比賽嘅機會。不論係尼馬抑或麥巴比，二人於足球上都具有非凡才華。尼馬有一種我以往從沒見過嘅才華及足球技術，我認為佢現時仍未奪得金球獎係不可思議。即使現今球壇仍然有美斯及C朗，但我認為尼馬理應至少奪得一次。尼馬現時只係26歲，我認為佢不需要等美朗退役，因為佢嘅實力已經與呢兩位球星一樣強。」
「現時整個足球已經係麥巴比手上，如果佢希望於未來10年5奪金球獎，我相信麥巴比可以做到，呢樣野取決於佢自己。」保方補充。
「於接下來嘅5年，我認為尼馬會奪得5次金球獎，另外2次則為麥巴比所得，二人都有呢樣能力。」保方最後亦再對兩位舊隊友大大誇獎。
