福布士近日公佈NBA 球員年度最佳球鞋收入排行榜，Michael Jordan 繼續以無敵姿態位居榜首。
是次排行榜以各前/現任 NBA 球員以球鞋所賺來嘅收入為標準，退役按近20年嘅 Michael Jordan 憑住與 Nike 合作嘅 Jordan Brand 繼續領導群雄，不論運動或潮流方面都獨佔鰲頭，以 $1.3 億稱霸排行榜，比起第2位高達4倍以上。
據報 Michael Jordan 現時有19億美元資產，當中有14億就係憑住企業贊助及波鞋而賺取。
至於榜中排第二位嘅為「大帝」LeBron James，於2019年有3200萬美元係由球鞋生意所得，而 Kevin Durant 則以 2600 萬美元屈居第三位。
值得一提嘅係於是次年度最佳球鞋收入排行榜中，頭10位中有7位都係穿著 Nike 或 Jordan Brand，可見 Nike 於籃球潮流界中仍然稱雄稱霸。
