昨夜國際足協於米蘭斯卡拿大劇院舉行2019年頒獎典體，結果美斯成功力壓雲迪克及宿敵C朗，創造6次獲選「年度最佳男球員」嘅新紀錄。
是次「世界足球先生」嘅評分準則由國家隊隊長、國家隊教練、媒體代表及全世界球迷參加投票，並分別佔25%比重。除媒體代表外，美斯於其他三個投票團體中都盡現優勢。
於球迷投票中，美斯共獲得近136萬分，遠比C朗拿度嘅96萬分及雲迪克嘅70萬分高；國家隊隊長選擇中，美斯拿到377分，雲迪克則有337分、C朗為330分；國家隊教練投票中，美斯得到379分，亦超過C朗嘅307分及雲迪克嘅289分。
雖然雲迪克於備受期待下未能首奪「世界足球先生」，不過粉絲亦不必太過傷心，因該荷蘭球星仍然有好大機會於年底金球獎奪獎。因為金球獎嘅評分準則由記者投票主導，而雲迪克於是次國際足協投票媒體代表中勇奪462分，遠超美斯嘅364及C朗拿度嘅264分。
