備受期待嘅《FIFA 20》昨日正式公佈咗頭100位能力值嘅球員，今年美斯力壓C朗成為全遊戲之冠，尼馬就繼續成為「世三」，而唔少球員能力值有變下嘅爭議亦令 FIFA 迷對今集更加期待。
日前 EA 就正式宣佈《FIFA 20》將於9月10日釋出首個試玩版。雖然未有正式公佈釋出時間，但根據以往經驗相信好大機會於英國時間6點鍾(即11日凌晨1點)正式發佈，並會於 PlayStation 4、 Xbox One、PC 三個平台登場。
試玩版可用球隊
根據早前 EA 於其他場合供一眾遊戲編輯、著名玩家試玩嘅版本，目前預計將下六支球隊將於 FIFA 20 Demo 版中登場，但並未為最終確認消息。
利物浦、曼城、多蒙特、馬體會、巴黎聖日耳門、皇家馬德里
試玩版可換模式
除以往嘅11v11正常遊戲模式外，據悉是次 Demo 將會包括全新嘅「VOLTA Football」模式。於呢個全新嘅 VOLTA 街頭足球模式，大家可以專注於控球、反應上，並於各個全新設計嘅五人足球場上作賽，令大家於比賽時刺激感及新鮮感大增。
《FIFA 20》將於9月27日正式推出，而購買冠軍版或終極版更可提早三日進入遊戲。
