歐霸盃決賽昨夜正式完結，車路士清趣地以4:1大勝而回，而輸波嘅阿仙奴又再痛失歐聯資格。比賽過後，車仔兵工廠兩大皇牌球員又成為焦點。
極有機會即將離隊嘅夏薩特果然言出必行，交出2入球1助攻，以完美表現為球隊、球迷送上完美告別，賽後亦獲選最佳球員，被 whoscored 評為全場最高9.7分，相信即使今場為告別戰亦贏盡車仔球迷掌聲。
另一邊廂嘅阿仙奴高薪王奧斯爾今場表現就相對乏善足陳。作為阿仙奴陣中最高薪及最有卡士嘅奧斯爾一直都獲球迷、領隊寄予厚望，但每每大賽都令人失望。今場上陣77分鍾嘅「大眼仔」全場只交出29次傳球、觸球40次，於中後場中兩項數據都為全隊尾二(最尾為於66分鍾被換下場嘅蒙維爾)。作為進攻核心，奧斯爾今場過人只有1次，傳中為0次，而失控球權卻為全隊最多嘅7次，進攻零作用，傳球無貢獻，於強強對碰中成隱形人，備受批評確為理所當然。
戰至77分鍾，艾馬利終忍耐不住將奧斯爾換下場。當時阿仙奴雖以1:4落後，要反撲嘅機會微乎其微，但作為落後一方嘅奧斯爾選擇慢行出場又再一次令球迷心碎 – 就連離場都交唔出想勝利、或追求奇蹟嘅心態。
故事尚未完結，奧斯爾被換走後更被鏡頭捕捉到於後備值大爆粗口「Fucking Pussy」，似對被換走表示不滿。「大眼仔」於領獎後更第一時間將亞軍獎牌除下，不甘之情與場上表現成極大反比，當中喻意有待大家參透。
奧斯爾令阿仙奴球迷失望已經唔係第一日嘅事情。當年傳球精準，帶有靈氣嘅「手術刀」奧斯爾已久久未再出現於廠迷眼球上，阿仙奴要尋求進步的話，或評是時候審視球隊是否仍要留住呢位高薪「皇牌」。
