本月14日英格蘭國家隊將會出戰歐國盃外圍賽，於溫布萊球場迎戰黑山，該場比賽亦為英格蘭男子隊第1000場國家隊比賽。
英格蘭國家隊為咗迎接呢個特別嘅日子，早前宣佈將會推出「1000戰」特別版球衣，並邀請修夫基出席介紹。
是次「1000戰」英軍球衣最特別之處為於左上嘅隊章下方會印有每個球星獨有嘅 Legacy Number(傳奇號碼)，表示該球星為英軍上陣嘅次序。
以修夫基為例，該現任國家隊主帥將獲派增1071號球衣，代表佢為第1071個代表英格蘭男子國家隊上陣嘅球員，令每位曾代表英軍上陣嘅球員都有一件專屬嘅具紀念性球衣。
對於執教英格蘭迎戰第1000戰及紀念球衣，修夫基表示:「呢件紀念球衣濃縮咗國家隊嘅歷史，亦代表球隊重返正軌嘅重要性。我與球員都會提及到球衣前面嘅傳奇號碼，以及我們係如何成為呢個號碼嘅歷史一部分。」
