相信大家都必定曾經擁有過一雙 Dr.Martens，而是次 Dr.Martens 與 fragment design 嘅1461 鞋款務必引起您嘅興趣。
其實是次聯乘嘅 Dr.Martens 1461 一年前已經被藤原浩穿著，於早前藤原浩正式確認會作公開發售已經掀起唔少討論。是次聯乘鞋款由兩款 Dr.Martens 1461 合併而成，全於英格蘭製造。鞋身採用選用亮眼漆皮而成，鞋孔數量將增至5個，而最特別之處為其於鞋墊及鞋邊後方都增加咗極具代表性嘅 fragment design 閃電 logo，低調之餘亦夠哂潮味。
兩大品牌是次聯乘嘅 Dr.Martens 1461 於5月27日就會正式於香港發售，銷售點包括 I.T 及 HBX，建議零售價為$2,600。
Photo Credit: HANON
