祖雲達斯正式宣佈，今夏受各豪門青睞嘅迪烈治已正式抵達都靈，體測後就會正式加盟。
19歲嘅迪列治為阿積士隊長及後防重心，今季於歐聯大放異彩後獲多支豪門關注，包括皇馬、曼聯、巴塞等多支勁旅都被指曾向阿積士作出報價。
是次迪列治轉會爭奪原本領跑嘅為西甲勁旅班霸巴塞隆拿，主要原因為其阿積士隊友迪莊早早已宣佈將會加盟「地上最強」，而球員本來亦有意跟隨好友轉戰西甲。
不過事情自歐國聯決賽後有180度變化，因迪列治偶像C朗於賽後親自向其作出邀請，令該荷蘭中堅突然變成心繫祖雲達斯。
據悉是次迪列治嘅轉會費將會高達6750萬英磅，體測完成後就會正式宣佈加盟。
