迪基亞續約鬧劇正式完結。曼聯官方宣佈雙方已正式簽署合約，迪基亞與曼聯約會合作到2023年，而球會更可於完結前再延長一年合約，據外媒透露迪基亞周薪將會高達37.5萬英鎊，超越迪布尼成英超之首。
於續約前，迪基亞周薪為20萬英鎊，是次續約嘅加幅接近一倍，該西班牙門將亦理所當然地成為隊中
最高人工之首。
值得一提嘅係，曼聯近年簽入山齊士已令隊內工資平衡出現極大問題。因應智利球星嘅高薪，唔少紅魔球星續約時都要求比市面上更高嘅薪資，更簡接有主將因工資未能與球會達成共識而離隊。
目前曼聯隊內工資榜，緊隨迪基亞嘅第二位為普巴，周薪為29萬英鎊。以該球星嘅性格，相信再續約時必定會要求高於40萬鎊周薪，令球會於薪資支出上百上加斤。
曼聯最新工資榜
1. 迪基亞 – 37.5萬英鎊
2. 普巴 – 29萬英鎊
3. 馬斯亞 – 25萬英鎊
4. 拉舒福特 – 20萬英鎊
5. 哈利麥佳亞 – 16萬英鎊
6. 馬達 – 16萬英鎊
7. 梳爾 – 15萬英鎊
8. 楊格/費特/馬迪/連迪路夫 – 12萬英鎊
