早前有消息指 adidas 將與品牌代言人碧咸聯手發佈一款 UltraBOOST 2019 聯乘鞋款「DB99」，日前終於有更多資料曝光。
是次聯乘嘅 UltraBoost 2019「DB99」主要係向呢位英格蘭傳奇足球員及其生涯致敬。設計靈感主要取材於其效力最長時間嘅英超豪門曼聯，並會特別著重於 98-99 年度，該年正正為紅魔完成了英超、足總盃、歐冠盃三冠王嘅盛世時期。
UltraBoost 2019「DB99」限定鞋款最特別之處為於鞋舌及鞋跟都印上「DB99」字樣，而是次選擇嘅鞋面料也會比以往嘅 UltraBoost 更為輕薄，兩惻、鞋底都特別加入較大面積嘅透氣位置，令穿著時更為輕便透氣。整體鞋身則會採用流線型設計，配上鞋面嘅流線紋理，令鞋款極具時尚美感之餘亦為穿著者帶來自然嘅腳感體驗。
UltraBoost 2019「DB99」已經於中國 adidas 嘅網上平台上架，零售價為人民幣1499。香港目前尚未有正式發售消息，有興趣嘅朋友記得跟進住 HOMME 報導啦。
