車路士今季成績不過不失，奪英超第三外亦捧走歐霸盃，陣中球星夏薩特多次超水準發揮可謂功不可沒。面對夏世三即將離隊，車仔要尋找接班人亦係當務之急。
據英國 Mirror 報導，車路士目前已劍指巴塞嘅失意翼鋒古天奴為夏神離隊後之替補。呢位前利物浦球星於巴塞隆拿過得並不如意，屢屢受到球迷柴台，更早有傳聞指巴塞已做好出售古天奴嘅準備，車仔要動手相信難度不會過大。
對車仔而言，要尋找一位可替代夏薩特嘅球員可謂難度極大。但由於古天奴曾於英超大放異彩，所屬球會又願意放人，故不論沙利會否留任，車仔已視古天奴為頭號目標。去年1月時巴塞以1.45億歐元收購古天奴，由於呢位巴西球星今季表現下滑，故車仔或可用夏神離隊之資金，以更低價錢完成交易。
不過由於車路士早前規簽約18歲以下年輕球員，目前正受到轉會禁令影響，今明兩個轉會窗都未必可以簽入球員。車路士目前已就此判決作出上訢，若最後成功就會正式動手羅致古天奴。
