據英國媒體報導，多支歐洲豪門已決定於今個休季期取消亞洲之旅行程，以往會去鄰近地區追星嘅朋友要再等一年啦。
據悉原來已計劃夏季去到亞洲嘅球隊，包括曼聯、阿仙奴、熱刺等都已經決定取消亞洲之行，今年嘅國際冠軍盃將只會集中於歐洲、北美及澳洲等地舉行，意味住不會再有2019年嘅中國及新加坡賽事。
國際冠軍盃早前向BBC表示:「球迷、球會、球員、職員嘅健康及安全為最首要嘅考慮因素。亞洲仍然係我地於國際市場繼續發展嘅重要市場，相當期待未來會再次於亞洲市場舉行比賽。」
現時離休季雖然仍有數個月，但肺炎疫情已經開始擴大到各個主流聯賽，今日亦有報導指英超或會於未來賽事都會轉為閉門作賽，HOMME會繼續為大家緊貼最新消息。
