等了又等，車路士終於官方宣佈林伯特正式回歸球隊，將接任沙利出任車仔領隊。
自傳出沙利會離任而來，執教打比郡嘅林伯特已成球會領隊嘅頭號目標。於上月，為車仔奪得英超前四及歐霸盃嘅沙利正式離隊加盟意甲班霸祖雲達斯，經歷一段無帥期嘅車仔亦於今日終於官宣球會傳奇林伯特會回歸執教。
林伯特與車路士已簽下一份三年期嘅合約，而藍戰士需要向林伯舊東家打比郡支持400萬英磅作餘下兩年合約嘅解約費用。
對於重返史丹福橋，41歲嘅林伯特指「非常驕傲可以回歸車路士執掌教鞭。大家都知道我對車路士有多愛，我與球會擁有共同嘅歷史。目前我會專注手頭上嘅工作，我會為下一個球季做好充足準備。我回歸車路士是為了努力工作，令球會成就更多嘅成功，我已經急不及待要開始工作。」
除要迎接新上任嘅工作外，林伯特目前主要嘅困難為需面對轉會禁令嘅影響。目前車路士已簽下高華錫，普列錫亦會於今夏來投，巴卡約高、莫拉達亦非常有機會回歸球隊，但能否解決夏神離隊影響就要睇呢位車路士名宿嘅功力。
