歐聯十六強關鍵一戰，車路士主場以2:0擊敗多蒙特，成功於次回合反勝晉級八強，不過今仗球證有一決定就惹起爭議。
今朝雙方互有攻守，車仔先於上半場尾段憑史達寧建功二回合追平比數。下半場開始不久後，車路士就因對方獲得手球獲得十二碼機會，可惜夏維斯第一次主射就中柱彈出，暫時未能實現反超。
隨後爭議一幕出現，球證示意VAR後發現多蒙特球員於夏維斯射十二碼觸球一刻已經衝入禁區，故判車路士重射十二碼。不過翻睇現場片段後，其實當時亦有車路士球員衝入禁區，甚至比多蒙特更快及更多球員，雙方皆有犯錯下球證決定判決一個對客隊不利嘅決定。
其後夏維斯終於成功射入，車路士亦憑呢個十二碼成功反超對方，並維持比數到完場晉級八強。
賽後蜜蜂兵團主將比寧咸受訪表示：「我已經被罰太多，不想說太多招惹麻煩。但現實重射十二碼根本係一個笑話，夏維斯以慢動作跑動及射門，有球員衝進禁區是很正常嘅事。」
另一位球星安利簡更直言：「今場多蒙特係輸俾糟糕嘅球證，歐洲足協應該要派遣另一位球證執法。」
今場獲勝後，車路士成功反底連勝2場，下場比賽將於3月11日作客李城。
