昨夜歐聯再現令人難忘嘅賽事，車路士於落後三球下迫和阿積士，繼續於死亡之組保持出線機會。
相信大家若有睇昨夜歐聯嘅比賽都會聚焦於多蒙特對國米比賽上，但其實車路士與阿積士之戰更為刺激，單單上半場已有四個入球出現，半場主場嘅車仔以1:3落後。
值得留意嘅係，半場車路士所輸嘅三球之中，有兩球為艾巴咸與門將阿利沙巴拿加嘅烏龍球，半場輸兩球「老烏」亦為非常罕見。
半場過後，車仔仍未放棄選擇與對方對攻，於未能攻破對方大門之際卻反於55分鍾被雲迪碧克再入一球令比數改寫為4:1，大家都以為比賽已經完結。
但車路士球員今場極具爭勝心，落後三球並無放棄。隊長艾斯派古達首先挺身而出於63分鍾為球隊追回較接近嘅比數。轉捩點亦隨即出現，阿積士嘅白蘭特、韋特文先後兩黃一紅被趕出場，車仔先憑十二碼由佐真奴追到3:4，再於74分鍾由小將占士攻入迫和一球，雙方重新開始。
其後車路士曾經有機會成功反勝，不過隊長艾斯派古達入球被VAR判定無效，雙方最後經歷瘋狂一夜後握手言和。
經過今場比賽過後，歐聯H組中車路士、阿積士、華倫西亞都分別有7分，除只有1分嘅里爾鐵定出線外，三隊於餘下比賽仍然需要全力搶分。
車路士 4:4 阿積士比賽精華
