本星期曾報導 賽後訪問高呼「光復香港」 Blitzchung 遭爐石賽會處分 ，事情於暴雪公開處分後並未有平息，繼早前有 Blizzard 員工於總部公開反對處理手法外，魔獸世界最初嘅首席設計師 Mark Kern 日前亦公開表示希望大家加入抵制 Blizzard 嘅行動，並表示與暴雪正式割席，新開發遊戲《Em8ER》亦不會接受中國資金投資。
不過權衡輕重後，Blizzard 似乎仍然選擇放棄一眾歐美玩家而向人民幣低頭，日前有一舉動又再次引起批評。
有網民發現自網上發起抵制 Blizzard 活動起，遊戲公司竟然禁止玩家刪除自己嘅 Blizzard 帳號 – 當有玩家試圖刪除帳號時，Blizzard 就會即時將帳號凍結，亦理所當然地無法再進行刪除動作。
除此以外，有外國網民發現 Blizzard 亦對玩家 Battle Tag 進行管制。當玩家試圖將其 ID 轉換成支持香港之 ID 時，Blizzard 即會彈出該名字違返命名規定，率先自我審查。
其實於2018年時，亞太地區(包括台灣、韓國等等遊戲大國) 只 Blizzard 嘅13％收入，而中國市場嘅 6% 增長亦比美洲嘅 8% 為低，即時收商業角度亦實在令人難以想像為何 Blizzard 要如此低頭。
