Sky in Germany報導，巴塞隆拿已向 PSG 開價 9000萬英磅 + 兩位球員嘅報價回購巴西翼鋒尼馬。
據悉巴黎對該27歲巴西球星嘅心理價位為2億。
而「地上最強」於是次報價中列出六位球員，其中兩位可供PSG加入尼馬交易之中，當中包括:古天奴、丹比利、拉傑迪、施美度、馬琴及烏迪迪。
早前已有報導指尼馬已與球會提出轉會申請，而教練杜曹亦於早前受訪中亦直認知道尼馬於美洲盃後正尋求離隊。
上星期 PSG 體育總監李安納安亦表明尼馬可以離開球隊，但前題為報價必須合適，而且表示巴黎正與巴塞進行「最表面」嘅談判。
Sky Sports 亦透露巴黎正說服尼馬改變主意，但目前球員本身亦未知自己意向。
雖然目前交易仍然處於初步談判階段，但尼馬經理人仍然對交易完成非常樂觀。若最後事成嘅話，尼馬嘅回歸將比基沙文、迪列治及夏薩特等交易更震撼，成今夏轉會窗之最大焦點。
