早前《Avengers: Endgame》導演羅素兄弟已經正式公佈大家可以隨時討論劇情，再無劇透之憂。而其後羅素兄弟果然先後於唔同媒體透露好多《Avengers: Endgame》中不為人知嘅細節或背後理念，例如美國隊長早早已經可以舉起雷神鎚、Iron Man 原本並無打算說出「I am Iron Man」等等。近日 Russo Brothers 於訪問中又有一次談論到電影中部分刪除嘅片段，當中更涉及到 Thor 嘅感情事。
原來本來拍攝片段中有一段 Thor 與女武神 Valkrie 差點接吻嘅戲。時間線係處於所有事情解決之後，Thor 將 Asgard 人民及王位交予 Valkrie 時。告別時 Valkrie 將手放於 Thor 肩上，Thor 意會到就想去吻她。此時 Valkrie 才指自己其實係想以此向 Thor 道別，尷尬中亦充滿 Marvel 一貫嘅幽默作風。
羅素兄弟更大爆呢幕其實係 Chris Hemsworth 及 Tessa Thompson 即場構思而拍攝，但為令故事結尾更加緊湊先決定移去有關片段。其實原著中二人的確實曾有一段情，今次大爆呢段被刪片段亦令大家對雷神感情生活了解更多。
相關文章: 《Avengers: Endgame》導演解釋美國隊長提起雷神鎚一幕
