「雲爺爺」執教阿仙奴22年期間，除咗不敗奪冠一年令人難忘外，其險簽名單嘅名氣或數量都令唔少球迷津津樂道，而近日雲加受訪更再大談另一位險簽球王。
雲加嘅險簽名單相信大家都見識過唔少，當中包括伊巴、C朗、杜奧巴等球星都曾經成為「險簽」嘅一員，而雲加近期就親口承認於2003年時曾差點簽入美斯。
雲爺爺受 beIN SPORTS 訪問時指出：「阿仙奴2003年收購法比加斯時曾經與美斯有接觸，並進行談判。那時候阿仙奴與巴塞為同一水平嘅球隊，當碧基、美斯、法比加斯同隊時，你可以想像到您嘅球隊青年軍會有多優秀。」
「最後碧基及法比加斯都嚟到英格蘭，而美斯則留在西班牙。阿仙奴當時對佢極有興趣，但最終並未能成事。」雲加補充。
除此以外，雲加亦再被問及到「險簽C朗」一事：「每個人嘅生命都會充滿後悔。生命中往往有未能達成嘅事情，而往往呢類未能達成嘅事會成為大部分嘅情況。」
當被問到美斯、C朗拿度二選一時，呢位傳奇主帥表示:「兩位都係好球員，從中選擇非常困難。於10年間嘅世界足球先生中，二人已向外界展示他們處於同一水平。美斯較為傾向創造型，有能力為隊友創造機會完成入球；C朗則為典型射手，不論頭鎚、體能等等都較為優秀。」
「就我個人而言，兩人比較下美斯會較為吸引。」雲爺爺最終亦作出選擇。
