阿仙奴於歐霸決賽敗予車路士，未能奪下季歐聯資格，財政收入大減下今夏只能提供4500萬磅轉會資金。
兵工廠由於未能殺入下季歐聯比賽，痛失大量轉播費及歐冠獎金。據英國傳媒報導原定嘅1億英磅轉會資金將大減至4500萬磅，要東山再起睇嚟難度更大。
艾馬利早前就向傳媒表示目前未清楚緊接嘅轉會計劃，但就表明有部分球員必須離開，亦指有年青球員會加盟球隊。
據悉阿仙奴目前有意賣走奧斯爾及米希達利恩以籌集轉會資金，但尚未確認。若單論4500萬英磅而言，現時阿仙奴嘅目標如沙夏或占士麥迪臣等都未必能以此價格收購完成。
