經典遊戲《世紀帝國 2》相信陪伴大家渡過唔少難忘時光，當年挑戰極速上城絕對係各玩家必經階段。近日 Microsoft 就正式宣佈其 4K 重製《世紀帝國 2：決定版》將於本年度 E3 上正式發佈並提供試玩。
自1999年《世紀帝國 2》推出後就於世界各地掀起熱潮，各文明都有唔同特色，令唔少玩家都沉醉於遊戲當中。其實早於 2013 年時 Microsoft 就曾經於 Steam 上推出 HD 版本《世紀帝國 2》令唔少舊玩家都重新投入呢款經典遊戲當中。適逢遊戲推出20週年，Microsoft 是次更會特別推出更具吸引力嘅決定版。
據研發團隊消息，是次《世紀帝國 2：決定版》除提升至 4K 畫質外，音軌亦會進行重製，最重要為會有新文明嘅加入，改變整個遊戲策略及為玩家帶來新鮮感，於本年度 E3 發佈會上就會有更多消息及提供試玩。
其實 Microsoft 亦曾於去年2月為《世紀帝國》推出決定版，亦同樣為初代遊戲提升畫質、改善操作等等，是次為人氣更高嘅《世紀帝國 2》進行重製，未知會否再一次掀起挑戰極速升城嘅熱潮呢？
The Age of Empires II DE team has a special message for you… pic.twitter.com/VR1dN0vN9F
— AgeOfEmpires (@AgeOfEmpires) 2019年6月3日
