曼聯近期一直苦苦追求水晶宮右閘雲比沙卡，據報現時出價已高達5000萬磅，不過其中一條附加條款就令水晶宮非常不滿。
據英國報章 The Guardian 報導，曼聯上周已經開始與水晶宮開始面談作落實報價，現時已經就雲比沙卡報價兩次，但都遭到拒絕。
有指第二次報價曼聯已經開出3500萬轉會費+1500萬附加條款嘅高價，與水晶宮所要求嘅5000萬磅其實相當接近。但當中有部分附加條款激活條件就令水晶宮非常不滿，當中最受爭議為要下季無緣歐聯嘅曼聯「奪得歐聯冠軍」，水晶宮認為此項條款非常不實際，甚至有點侮辱。
現時水晶宮希望直接移除附加條款而獲得全數5000萬磅轉會費，否則交易就會告吹，而曼聯仍然考慮中。
雲比沙卡與水晶宮合約期至2022年，據悉球員本身已經與紅魔達成8萬周薪嘅協議，正等待兩間球會決定。