高甸證實今夏離馬體會

馬德里體育會隊長高甸證實今季合約完後將會離開馬體會，結束於球會嘅九年生涯。

自2010年由維拉利爾加盟馬體會起，高甸已經為球隊上陣387場，攻入27球 – 當中更包括於2014年頂死巴塞，為馬體會贏得西甲冠軍。除西甲外，高甸亦曾助馬體會奪得一屆國王盃，兩屆歐霸，三屆超級盃及兩次殺入歐聯決賽，為球會近年壯大嘅重要功臣。

高甸下季去向暫時未正式公佈，但唔少外媒都指呢位烏拉圭鐵衛將以自由身轉投意甲勁旅國際米蘭。