迪士尼自決定推出網上串流平台Disney+已經非常重視呢個計劃，而近日更正式宣佈《復仇者聯盟4: 終局之戰》將會於今年12月獨家登陸 Disney+ 平台。
Disney+ 已確認11月會於美國正式推出，早前迪士尼旗下嘅Marvel作品已經逐漸退出Netflix為此舖路。近日《復仇者聯盟4: 終局之戰》於世界各地大破票房記錄，現時排行全球票房第二，亦掀起唔少話題。眼看 Marvel 如此成功，迪士尼當然唔會錯過伶佢嚟吸第一批客嘅機會，故早早已宣佈 Avengers4 將會登陸 Disney+ ，令大家對平台更加期待。
Disney + 將會支援一系列嘅播放裝置，包括智能電視、瀏覽器、智能電話、平版電腦及遊戲裝置等等，暫時定價每月6.99美元。不過亞太區嘅朋友最快都要2020年先可以訂閱，真係想重溫 《復仇者聯盟4: 終局之戰》嘅唯有先行買DVD或Blu-ray版本啦!
